Ewou i gn’a dèl taute à l’ djote,

Ewou ça grète èt ça tchipote,

Ewou lz èglîjes clôsenut leus pwates,

Ewou lès mwêjès ièbes crèchenut fwates,

Èt lès caurs n’ont faît k’ passer.

Ewou, on n’cauze pus wêre walon,

Ewou on dmère moya dès djoûs au long,

Ewou li Rwè n’a pont d’ èfant,

Ewou s’ bèle fèye a stî crèchant,

Ewou lès djins on conchut l’ pîre,

Ewou lès pougnes s’ sèrenut sins rîre,

Ewou on s’ mèt è soce èt bwâre dèl bîre.

Evoye li Walonîye,

Ewou l’ Bon Diè clôt sès rèssères,

Ewou lès djins avou dès lârds

Riwêtenut à deus côps po leu miyârds.

Walonîye, Urope do plin mitan,

Avou tès moxhons aflachîs d’ foû,

È m’ Walonîye, m’ dagne,

Vnus sognî leu paumagne.

Èwou, l’ posse nos rovîye,

Ewou d’ wêre on s’ rafîye,

Ewou l’ police pèstèle,

Ewou po on rén on vos distèle,

Ewou po ène nokète di pus on ratèle,

Èwou l’ pèkèt vént d’ Olande,

Ewou i pou ètou ièsse di Flande,

Ewou on sicrît come on cauze,

Ewou on s’comprind kand on s’ djôze,

Ewou on boute come i faut,

Ewou on n’nos spèpîye lès dèfauts,

Ewou po l’z-ôtes ont z-ècrache dès pourcias,

Èwou ont fait l’ minme di nos cokias,

Ewou lès flaminds, lès italiyins, c’n’èst nén trisse,

Asteure lès marokins, montenut maîsses sindicalisses.

Lès Citadèles,

Lès fèyes bén bèles,

Lès payizâdjes,

Lès riants vilâdjes,

Lès nwârs meurs d’ usines,

Lès vîyes cassines,

Lès Van Cau, lès Hapart, lès Van Gompèl,

Lès De Meyer, Lès Haskin, rèn n’nos pèle.

Evoye li Walonîye,

Èt d’sès Fréres à panses plinne,

Wêre di Soûs po nos pwinnes.

L’ Walonîye, m’ ptit payi

Ewou on s’vént d’au lon ripayi.

                       *

A l’ après d’ Rèmond van het Groenewoud" (BV) Pou l’ 11 di Djulèt, on O.W. (Onbekende Waals). l’ a mètu à s’ twartchîye môde