Brusèles : Amon Dexia, Passâdje 44, Gripète do Botanike, do maurdi au dimègne, djusk’au 26 di djanvîr 2003, di 11 à 18 eûres.L’artisse tot seû pa-padvant li-minme. Si sont insi riwêtîs dins leûs mirwès : Paul Delvaux, Frits Van den Berghe, Maurice Schelck, Spilliaert, Léon Frédéric, James Ensor, Gus de Smet, Hubert Malfait, Elly Strik, Nadine Tasseel, Jörgen Voordeckers, Rachel Base, Jan Vercruysse, Thierry de Cordier, Dirk Braekman, Robert Devriendt, Fernand Schirren, evd…

Ène pèkêye l’a fait dispû si lontins ki l’ place mankréve po vos moustrer tos leus ovraedjes. C’ èst pokwè, pou nosse paurt èt passk’on n’ èst nén là po mète à l’ abat, on s’ va continter di vos moustrer ki Fragonard s’avéve sièrvu d’ Van Ostade, èt k’ on bén trop roviyî come Matthieu Schoevaerdts, ki s’ avéve èto mètu dins iène di sès graveûres, s’a ritrové, trwès sièkes pus taurd, rimètu à noû è coleûrs dins l’ tauvia d’ on chûveûs d’ au lon.               (Vèyoz don lès imaudjes)

Au Grand Hornu, li MAC’s (Muséye dès Continporins Arts) assatche dès djins d’ pa tos lès costés, di Flandes, France, ossi bén ki d’Alemagne o do Plat Payis. Dédjà d’pus di 20.000 à s’ awè disrindjî èt vinu vîre ck’ on î mostère. On î faît ètou dès ôtès bèlès afêres. Come di mète d’sus pîds ène chîje è musike. Li sèmdi do 19 d’octobe k’ a passé, iène chûvéve li visite avou èsplikaedjes. (Po z-è sawè d’ pus : 065.65.21.21) (20.10.2002)

Tûzâdje : Cès dêrins tins on nos racadjôze branmint dès abondrwèts dès tchanteûs èt sicrîjeûs èt dès " picîyes di caurs " rissatchîs po ça d’sus chake fotocopiyâdje, lès prustâdjes di lîves, C-plakes èt ôtès " deûres plakes "… Esse k’ on va asteure prèsinter à Paul Mahoux, ki daubore dsus totes sès gazètes, li note po cki fait dès sicrîjaedjes di gazètîs èt lès mostrer ? Tot pèsé, tot rabatu, on n’è sé mauy èt on s’pout s’ apruster à tot. D’on ôte costé po c’ki èst dès fayêyès censes ki lès artisses porîne a tanawète ratinde…(A voye djusk’au 16 di novimbe au 120, Rwèyâle ruwe à Brusèle, dins l’ colidor dèl gazète " Le Soir ", di 8 e 30 à 17 e 30)