RABULèTS 2002                    Webpanel.gif (1408 octets)        Nos vola kand minme à l’ pâdje 82
do Volume 2 dèl Trwèzyin.me anêye

PO S’ SOLADJÎ ON PAU ? (2)

Nén dandjî d’ awè sogne po sès dints, nol deur grin dins lès miyètes dès tåtes n’ va vos chaurder l’ sorîre. L’ suweu do bolèdjî n’ riglati nén dsus lès molès crousses. Roviyî, l’ pan va-t-i sètchi mêrseu dsus s’ plantche au fond d’l’uche ?

Sins rîre, èsseki 5 gazètes polenut insi sins rûxhe n’è pus fé k’ ène ? On s’ritrove avou on bia ptit lîve k’a ène bén séryeuse colorêye covèrte. L’ papî èst bén lisse. Lès tècses èto. On ramèxhnaedje di powèzîyes èt d’ bokèts d’ prôzes rissatchîs foû dès vîs lumèrôs dès 5 raloyîs. Ça fait "bèlès lètes". Ça fait "antolodjîye". Ça n’ fait nén rivuwe. Ça nos rimimbère ène miète (branmint) l’ "Rèlîjaedje do Râde Lèyu" mins on î manke dès ptitès crakes, dès ptits spotaedjes (o dès biyèts da Clèyante, po dîre kand èt èwou on s’pout pèrmète d’ ûzer d’ sakants nén rilètchîyes ratournûres) ki rindrîne l’ assimblaedje mwins pèsant èt nos assatchî tot nos djôzant d’ cayèts d’ asteure. (Mins, ça fait mau d’ aprinde k’ on a doné 2.500 Uros po on simpe ramoncèlaedje di sicrijaedjes èt lèyî dsus l’ costé on ovrâdje passki, li, mankréve di "mètodolodjîye" èt d’on ptit rixhourbaedje. N’ faut-i nén mia bistoker èt écoradjî on vraîy boutaedje, l’ cia k’a fait l’ awousse, pu rade ki l’ mèchneu ?)

A s’ dimander ètou pokwè s’ sinte oblidjî d’ mète lès prumêres paudjes, lès dêrinnes (di novèles bén dischandîyes) èt l’ frâze pa padzos lès imaudjes è l’ françès ? Tankafé, si c’ èst po fé bètchî, dès racoutis translatés sèrîne adon mia à mète.

Ça n’si voréve ki po lès cias ki lîjenut l’ walon dispû dès razans èt n’ volu s’ sovnu k’do passé k’ èst oute à todi ? Pou abate lès prétindeuwès "baurîres di linwâdje" èteure lès cwanes dèl Walonîye on s’ pout continter d’ awè confyance dins lès djins, i sont bén grands asséz po sawè lîre leus vijins sins tro pont d’ rûshes. I n’ ont k’a l’ volu ! (Vinrdi, à l’ minme tauvlêye dèl pitite richinchote di cloteûre, dès djins d’ Lîdje, do Cente, di Châlèrwè, do Lèvant come do Ponant son-st-arivés à s’ comprinde sins translateus èt sins s’ sinte oblidjî di s’ mète à djôzer è françès.)

Ewou èssek’ on va ? 900.000 WALONS poréve après dimwin n’ ièsse k’ è l’ françès avou, tanawète, dès ptits "biyèts" è walon ! Si ça s’ fait k’ èst-ce ki va co dimèrer po nosse linwaedje è l’ RetebeFe ? Tèvozé on ptit spot, sakants mots, po fé "couleur locale" èt rîre ?

loubard.jpg (2540 octets)Ptéte ki, di tins in tins lès plakes da Djulos Beaucarne, William Dunker odobén Claudine Mahy ? On n’ va nén nos dîre kça n’ èst nén possîbe, avou lès minmès uros d’ ariver à mète dins lès aubètes, pus rade k’ on monumint (cauzu on "vacha"), ène gazète è walon po lès djins d’ audjourdu avou cki s’ passe di nos djoûs amon nos autes ? I s’ fauréve djoker d’ cauzer è françès do walon. I l’ faut djôzer, nosse liwaedje, li lîre èt l’ sicrîre sins peû d’ mau fé, sins onte, sins volu à fwace fé dèl "litèratûre" à l’ glwêre dès ans bén passé oute, d’ ène cwane à l’ ôte dèl Walonîye ! I nos fauréve co no sitinde dsus l’ sudjèt, mins on arive au coron dèl paudje. Ptète k’ on ôte côp ? On s’ va continter d’ radjouter ki gn’ avéve nèlu dès tèlèvusions à Nameûr. Rén k’ on tireû d’ portrèts k’a bén fait s’ bouye. L’ volà don.fotograf.gif (8501 octets)

A môde di rén, on comache dispû d’pus d’ 432 pâdjes ! Faléve-t-i l’ fé ? Aloz sawè !
Èt dsus
http://schoovaerts.j.tripod.com avoz vèyu ?

 

On rimonte à l' INTREYE ?