L' ABI (VILLERS-LA-VILLE )
avou (in it) MARBE - MARBISOÛ - MLERI - TILI
MARBAIS - MARBISOUX - MELLERY - TILLY

Villers1.jpg (15096 octets)Villers2.jpg (16283 octets)

On n'va nén si stinde dsus l' abîye d' Vilé, on s' va continter d' vos è moustrer sakants imaudjes èt vos priyî d' aler vîre sus place sès bén bias rèstants. Vos ploz èto lîre li lîve da Thomas Coomans (parètu amon Racine) èt "180 ans d' histoire de l' abbaye de Villers 1486-1666" da Omer Henrivaux (Nauwelaerts).
Villers3.jpg (13114 octets)Villers4.jpg (18383 octets)

Vola tot d' minme on bokèt d' pitite istwêre :
Kand, è 1587, Robêrt Henrion a divnu l' 48ime abé d' Vilé, i gn' avéve dèdja 100 ans k' l' Abîye èstéve là. L' ome n''avéve fait pont d' ètude, i n' èstéve nén capâbe di lîre mins s' èstéve én bon mwinrneû èt on baticheû.
Dins cès anêyes là, k' on avéve fwârt peû do diâle, il a stî chwèzi è 1614 come djûdje dins on procès d' macrâles à l' Abîye do Vèrdjî (comune di Oisy, dins l' Pas de Calais). Il î a dècidé d' fé brûler 6 rilidjeuses èt d' è nn' èvoyî sèt è l' prîjon.
L' prumêre "macrale" k' on avéve mètu au feu n' avéve nén ieut sès rèsses nén assèz ètérés èt dès leus lès avîne vinu rissatchî èt mougnî. Dès racuzètes avîne criyî ki ça n' poléve ièsse ki ds ôtes sorcîres à ièsse vineuwe lès sicroter po z-è fé dèl poûde po leûs mwêjès afêres. Si bén ki d' racuzâdjes è racuzâdjes, d' tortûres èt d' toûrmints on a arivé à fé "riconèche" a ds ôtès rilidjeuses k' èles avîne dès "pratikes" avou l' diâle.
Après côp, én procureû s'a rindu conte ki l' abé avéve bén maû djudjî èt ki n' avéve tinu conte ki di c'k' èstéve à l' kèdje dès pauvès feumes.  I l' èstéve adon trop taurd po rarindjî leus bidons. Après çoula, l' abé Henrion, ki contéve ki l' diâle avéve vinu dwârmu à costé d' li, a pièrdu s' place di djènèrâl vikêre.


Villers5.jpg (23583 octets)Villers6.jpg (19070 octets)Villers7.jpg (16838 octets)

Villers8.jpg (20033 octets)Villers9.jpg (18502 octets)Villers10.jpg (19112 octets)

Èsse ki ça n' vos fait nén bléfer d' parèyès biatés ?

Villers11.jpg (15526 octets)Villers12.jpg (17960 octets)Villers13.jpg (20520 octets)

On wête à nd' aler vîre ôte PAU ?