S U ' L ' T R Y
Site créé le 30 décembre 1999
|
S U ' L ' T R Y Site créé le 30 décembre 1999
|
|
EL CWIN DU SCRÎJEU. ******************** Fènau-mwès. Avou jwin, l’èstè èt lès vacances rapliqu-neut pou l’boneûr dès travayeûs qu’on boutè dix mwès dès-in bureau, lès ouyes rivès sur l’ècran d’l’ordinateûr. On pou comprinde qu’cès djins-là ratind’neut l’momint d’alér « s’oxygéner », èt d’profitér du solia. Ôdjoûrdu, djè vous vos côzér dès cinsis qui avou jwin vèy-neut ariver l’fènau-mwès. C’èst l’tints dès grands ouvrâdjes qui cominc-neut. Nut èt djoû, lès machines modernes vont fé l’pus gros d’l’ouvrâdje èt c’èst fôrt bin insi. C’mwès-çi djè vous vos ramwin-nér cinquante ans ari. I fôt sawès qu’à ç-tints là l’fènau-mwès s’fieut tout à fé autremint. Rin à vèye avou ôdjoûrdu. Dérèn-mint en r’mètant à place mès viys lîves scrits en walon djé r’trouvè in scridjâdje qui raconte l’fènau-mwès du tints passè. Fènau-mwès.
On z-obtèneut deûs trwès paurts A Nabule ou à Walsoc. Au diâle dins lès près du Saurt. Pou cinq francs, saquantes mastoques,
I faleut èn’grosse eûre dè voye Pou z-arivér su l’tèrin : Dèvant d’ataquer leû voye Lès fautcheûs morint d’ja d’fwin.
I cassint rad-mint ène crousse … Avou l’queû, rujint leûs faûs Èt pwis : hû! Savèz, lès cousses … A dadaye èt nin in pau!
N’oyèz nin l’osti qui grigne Tout parèy qu’in tchin vèreûs? Nè vyès nin l’hièbe qui s’aligne Drolà, padrî lès fautcheûs?
Nè vyès nin lès bèlès fleûrs S’aflachi come dès sôlèyes? Nè vyès nin què l’pré, asteûr A tout l’air d’ène tièsse pèlèye?
l’place du tapis flori Qui sè-stind là t’au d-dilon, Su l’paurt què l’faû vint d’moudri I gn’aura pus qu’dès-andons.
Dèmwin, tout d’chûte què l’rousèye Aura stî bûwe pau solia, On waira toute ène drig’lèye Dè fèneûses avou l’rèstia.
Vos wairèz come èles tèch’ront Pou staurér lès hièbes flanîyes; Vos-orèz come èles tchantront Come on tchante au mwès d’Marîye!
I faura trwès quate djoûrnèyes Pou r’suwér l’four comifaut … On n’atindra dès risèyes : On z-a tant d’plaiji, lauvau!
Asteûr, on va fé dès bindes Ç’côp-là, dès p’titès hognètes … I fait tchaûd! Mais n’faut nin s’plinde : Èl vint nos kakîye l’anète.
Ôdjoûrdu, c’èst l’dérin djoû : On mèt l’four à gros cwèjas : On lès pingne du dzeûs au dzous. Èt on compte combin i gna.
Saquants djoûs l’pacyince à prinde Èt nos four s’ra bin r’suwè ; Bin râte nos vinrons l’èrprinde Avou nos grands tchaurs d’èstè.
On poûra nos chûre à l’trace Ca nos foûr sint oute dè bon; Ça n’vaut-i nin mia qu’lès crasses Qu’on nos vind pou du sinbond?
Quand l’dérin tchaur s’ra kèrtchi, Nos plantrons l’coq à l’coupète Èt quand i s’ra dèskèrtchi, On z-è pil’ra dès galètes.
Fé l’fènau-mwès, mès-amis, N’èst nin là si p’tite afère ; Pou l’cia qui vout ramwinri C’èst p’tète èl mèyeu magnère. Em. Jos. PIRET. è GLOSSAIRE.
|
Accueil | À l' radio | À vos cujènes | El cwin du scrîjeu | Josée-Spinosa Mathot | Mots croisés | Sites Web favoris | S'u'l'Try | Pour m'écrire cliquez
Vous avez aimé et vous voulez voter, cliquez ici Dernière modification : vendredi 14 août 2009 |
